هل محل الخضار اللي بحارتكم يحتاج موقع الكتروني؟
قد يكون جا على بالكم هذا السؤال من كثر ما تسمعون عن اهمية التواجد اونلاين
بالبداية خلونا نتفق ان التواجد الإلكتروني بشكل عام اصبح اهم من اي وقت مضى والتأخر اكثر راح يكون شي سلبي عليكم وممكن يخسركم عملاء مهما كان اسمكم بالسوق
بس هل كل المحلات لازم يكون عندها موقع الكتروني؟
شرايكم نحكي لكم قصة قصيرة توضح الموضوع اكثر
خالد وخلود يحبون محل كماليات عندهم في الحي وما يشترون كماليات البيت إلا من عنده
بعد فترة المحل ماقدر يتحمل الإيجار و راح فتح في حي ثاني بعيييد عنهم
خالد راح يبحث عن محل كماليات ثاني قريب منه ولقى له محل
صحيح ماعنده نفس بضاعة المحل الاول بس على الاقل يقدر يلقى حاجته فيه وخلاص انتهت علاقته مع المحل الاول
خلود عاطفتها أكثر مع هذاك المحل وقالت عادي اطق مشوار بس القى اللي ابيه
مرت الأيام و راحت خلود مره و مرتين وثلاث بعدين صارت تستثقل المشوار وبحثت اذا عندهم موقع الكتروني يوصل لها اللي تبيه عشان ترتاح من هالمشوار
بحثت لقيت لهم موقع الكتروني وانبسطت و علمت خالد و علمت اهلها كلهم وصاحباتها وجاراتها ان المحل اللي راح بعيد صار عنده موقع الكتروني و فيه توصيل لباب البيت
المحل في هذه الحالة:
حافظ على عمليته خلود + رجع عميلة خالد + كسب عملاء جدد
والسبب انه صار عنده موقع الكتروني بس
ابيكم تتخيلون معي لو خلود مالقت لهم موقع ؟
راح يخسرون خلود + خالد + ماراح يكسبون عملاء جدد عن طريق خلود و خالد
الكلام هذا ينطبق على اي محل بدون مبالغة او استثناء
سلوك الناس في الشراء يزيد يوم عن يوم بالتحول للشراء أونلاين
الكبير والصغير صار يعرف يطلب اونلاين
والحلول الرقمية لخدمات المتاجر الإلكترونية تتطور يوم عن يوم
سوق التجارة الالكترونية ينمو بشكل كبير
وحسب دراسة أجرتها شركة “بوسطن وميتا” يتوقع ان يصل حجم سوق التجارة الالكترونية في السعودية الى ٤٩ مليار ريال بحلول عام ٢٠٢٥
نرجع لسؤالنا هل محل الخضار يحتاج موقع الكتروني؟
الاجابة :
ليه عندنا حالياً تطبيقات الجوال مختصة بسوق الخضروات والفواكه
شكراً على وقتكم الثمين بالقراءة
